Tuesday, March 1, 2011

तुझ्या माझ्या संसाराला आणि काय हव

गोर्या गोर्या गालावरी चढली लाजेची लाली
ग पोरी नवरी आली
सनईच्या सुरामंदी चौघडा बोलतो दारी
ग पोरी नवरी आली

साजणी मैत्रिणी जमल्या अंगणी
चढली तोरण मांडव दारी
किन किन कंकण रुनझून पैजण
सजली नटली नवरी आली
गोर्या गोर्या गालावरी चढली लाजेची लाली
ग पोरी नवरी आली
सनईच्या सुरामंदी चौघडा बोलतो दारी
ग पोरी नवरी आली … || धृ ||

हे नवर्या मुलाची आली हळद हि ओली
हो हळद हि ओली लावा नवरीच्या गाली
हे हलदिन नवरीचा अंग माखव
हो पिवळी करून तिला सासरी पाठव
साजणी मैत्रिणी जमल्या अंगणी
चढली तोरण मांडव दारी
सासरच्या ओढीन हि हसते हळूच गाली
ग पोरी नवरी आली
सनईच्या सुरामंदी चौघडा बोलतो दारी
ग पोरी नवरी आली … || १ ||

हे आला नवरदेव वेसिला वेसिला ग
देव नारायण आला ग
मंडपात गणगोत सार बैसल ग
म्होर ढोल ताशा वाजी र ...

गीत : गुरु ठाकूर

श्रावण मासी हर्ष मानसी

श्रावण मासी हर्ष मानसी हिरवळ दाटे चोहीकडे
क्षणात येते सरसर शिरवे क्षणात फिरुनी उन पडे

वरती बघता इंद्रधनुचा गोफ दुहेरी विणलासे
मंगल तोरण काय बांधले नभोमंडपी कुणी भासे

झालासा सूर्यास्त वाटतो सांज अहाहा तो उघडे
तरू शिखरांवर, उंच घरांवर पिवळे पिवळे उन पडे

उठती वरती जलदांवरती अनंत संध्या राग पहा
पूर्ण नभावर होय रेखिले सुंदरतेचे रूप महा

बलाक माला उडता भासे कल्प सुमनची मालाची ते
उतरुनी येती अवनीवरती ग्राहगोलाची कि एकमते

सुंदर परडी घेउनी हाती पुरोप कंठी शुद्धमती
सुंदर बाला त्या फुल माला रम्य फुले पत्री खुडती

सुवर्ण चंपक फुलाला विपिनी रम्य केवडा दरवळला
पारिजात हि बघता भामा रोष मनीचा मावळला

फडफड करून थकले अपुले पंख पाखरे सवरती
सुंदर हरणी हिरव्या कुरणी निजबाळांसह बागडती

खिल्लारे हि चरती राणी गोपही गाणी गात फिरे
मंजुळ पाव गात त्याचा श्रावण महिमा एक सुरे

देव दर्शन निघती ललना हर्ष माईना हृदयात
वदनी त्यांच्या वाचून घ्यावे श्रावण महिन्याचे गीत

--बालकवी